محكيه
ياريت ترجع ايام حبنا زمان
ويرجع كلشي حلو متل ماكان
ضاع الحلا من يومنا وبكى
علينا زماننا .. وضاع الامان
أيام صعبه كتير صرنا نعيشها
قسوه ومر من جور هالإنسان
غلا وتعتير وهم صارت حياتنا
كل يوم بيمر أسوأ من اللي كان
يارب رجع حياتنا حلوه مزينه
ورد جوري وليلك وزهر أقحوان
وترجع سهراتنا حلوه وملونه
ومزينه بالورد وعطرها الريحان
ونصحى الصبح عطلة هالطير
يدقدق شباكنا ويغني الالحان
ونسهر سوا تحت العريشه نشتكي
همومنا لبعض ونعيد اللي كان
يارب تفرجها علينا كلنا يارب
ونرجع بالحب نحيي هالزمان
صبيه وشب يقعدوا يتسامروا
ويحكو همس ونبض قلبهم رنان
اشتقنا نرجع نعيش ايام راحت
ونسمع أغاني طرب وأحلى ألحان
ونام على مخده نومة طفل غافي
بحضن امو بعد شقاوة نام تعبان
بقلبها تدفيه ومن روحها الحب
وبنظرة عيونها ترمقو بحب وحنان
ٱسيا خليل
ليست هناك تعليقات:
إرسال تعليق