اعتبرنى واحده ماتت
مش هاترجع مرة تانيه
وافتكرها لما كانت
عايشه جنبك كل ثانيه
وافتكر اوقات حنانها
لما كانت روحها فيك
قبل مابتعمل عشانها
كات بتعمل هي ليك
هي كانت_ بس_ عايشه
لجل حبك و تراضيك
يعني شايفه الدنيا حلوه
بس شيفاها بعنيك
مهما كت تنزف جروحها
هى دايما تنسى روحها
والوجع ولا عمره يفرق
الا لو كان يبقى فيك
هى كانت كل اهلك
اللى دايما حاسه بيك
كات تشوف الدنيا جنه
وقت مابتضحك عنيك
كنت ليه تحلم بغيرها؟!
وهى عايشة الحلم ليك
عدلت من خط سيرها
ومش هتحلم تانى بيك
هى كات فكراك امانها
ضهرها .. وتسند عليك
نعمه حلوه ولم تصونها
فجاءة ضاعت من
ايديك
ولو ف ليلة حلمت بيها
مش هتلمح غير ملامح
والندم ساكن عنيها
مش هتلقى الحلم يكمل
لجل تلحق وتراضيها
راح تقوم م الحلم خايف
وانت روحك بتناديها
هتلاقيها زى فرحه
بس فرحه ضايعه منك
اللى باقى منها ذكرى
تلتقيها بصدفه ممكن
اصلها كت فرحه نادره
لو تطولها .. كتير عليك
حنان الجوهرى
ليست هناك تعليقات:
إرسال تعليق