ارجعي..( محكية )
تعي تَ نتذكر أيام عشناها سوا
نسرح بالمروج يمرجحنا الهوى
كانت كل أشواقك الحارقة إلي
تشعل حنين قلب منك ما ارتوا.
جرح جوات الروح بعادك عاملو
ينزف متل شلال أكتر من عام إلو
طيفك متل شي حلم صرت عاملو
عليل وما إلي غير عيونك دوا.
كيف هيك تَ قدرتي عنّي تبعدي
وبميثاق العشق صرتي تجحدي
شو بعد بدك من سنين عمري خدي
عنقود حبي على شفافك استوا.
حبل ودادك بعدو هالقلب حافظو
لو مرّه غفي نبضاتو بْ تيقظو
بين ضلوعي عَ العمر مْ مبروظو.
بغار عليك حتى من نسمة هوا.
ارجعي ومعاك كل الحلا رجّعي
زهورك مش رح بتفتّح غير معي
بلا عناد وهالمرة منّي اسمعي
ضيعان كل لحظة ما بنعيشا سوا.
.. محمد عزو حرفوش..
ليست هناك تعليقات:
إرسال تعليق