( كسر الخواطر ) بقلم الشاعر صبري رسلان

كسر الخواطر  ( 243 )

..................

عيني  عليك 

يا  اللي  توهت   ..

الأخرة  فين  .. 

فارد في شمس قسويتك

ضلك  حزين  .. 

شاغلك تفتش في اللي فات  باقي تأذي مين   ..

كسرالخواطر دين عليك

ودموع  لا  بان 

تأثيرها فيك

وأيديك تهد كيان مليك

بأسوار  عناد 

ما دفنت  طيبه  حلمنا  

جبروتنا  زاد ..

عقلك  ميزانه  ليه  شرد

واخدك  لفين  ..

إمام  وحي  على الصلاة

توعظ  في  مين   ..

لا هتلقى حد يسندك

ويسد  دين  .. 

لا العمر فيه قد اللي راح

وقلوبنا شبعت 

من  الجراح  

لا رق قلبك للنواح 

ولا مرة طبطب 

مد أيده وقال سماح

عمرك وقف على دنيتك

ولا شوفت أخرة  .. 

عايش أمان  يا ترا 

فوق شوك  حرير

ولا أنكتب قلبك ومات

فيه  الضمير ..

بقلم .. صبري رسلان