بحبك يابلادي.
بحبك سورية وطني بحبك حمص مدينتي بحبك وادي النصارى منطقتي بحبك عين الباردة ضيعتي
ضيعتنا النائمة بحضن جبال هالوادي
بتصحى مع نجمة الصبح بكير وزيادي
ضيعتنا الناطرة البحر بعيونها من بعيد
بتودع شمس وبتستقبل بدرها الضاوي
ربيعها زهور وورد وفطورها عسل عالريق
وصيفها قصائد شعر وغني ومواويل قرادي
خريف وشتي علم وعمل ودروس للحلوين
والتلج بيتوج رؤوس جبالها بتاج عنابي
وبتصير متل العروس وبالطرحةةبتكمل الفرحة
والمجد والعز عجبينها والحب فيها بينكتب كتابي
بيولد من رحمها المهندس والطبيب
والمحامي والمعلم والضابط والعميد
وشاعر العتابا والزجل وشعر القصيد
ضيعة صغيرة بعدد سكانها كبيرة بعلمها
بتفتخر بولادها المغتربين داخلها وخارجها
والمشاريع البيقدموها لخدمة اهلها وجيرانها
نبعها وميتو الباردة صيفا الدافئة في شتاها
ودير ها العاكتف النبع حارسها وحاميها
لوحة جميلة رسمتها الطبيعة واقع مو خيال
ندعو الأصدقاء والسواح بالتأهيل لزيارتها
بحبك يا بلادي سورية وشامها ومدنها وضياعها
الله مباركها وحاميها
جرجس لفلوف سورية
ليست هناك تعليقات:
إرسال تعليق