يابيت جدي
يابيت جدي يابيت من خيال
ساكن بروحي وبتبقى على البال
يابيت جدي يامسكن الحلوين
يلي ذكرهم ..فل وعطرياسمين
بتبقى دارالعز والامان
مهماتبعدوتمرسنين
يابيت جدي و مااجملك يابيت
يلي فيك عشت وتربيت
ومع كل خطوة فيك اناخطيت
بيكبرحبك بقلبي والإيمان
انك يادارالعز اجمل دار
وشوسكن فيك حلوين كتار
والخير بارضك ....غماربعدغمار
وماانطفت بليلك يوم هالنار
وشويسهروا الحلوين ويحكوا اخبار
ومزينة ايامهم بالوفاوالحنين
يابيت جدي يامزين بالايمان
والوفا والصدق لاهلك عنوان
حيران قلبي بمحبتك حيران
وبعدك انت والقمرجيران
بتحكوحكايا الصبروالنجمات
بتكتب قصائد وبتزين السهرات
واجمل ملامح ...كانت هالبسمات
عوجوه اهلك .....وجوه الحلوين
يلي بعدن ....بالقلب والبال
ولوغيبن البعد والترحال
بعدن حبايب الروح بالروح
وبيبقوا احبة لوتمرسنين
يابيت جدي مااجملك يابيت
يلي فيك عشت وتربيت
بتبقى قصيدة حب وجمال
وبيبقى فيك بسمات الحلوين ....
سناءسليمان
ليست هناك تعليقات:
إرسال تعليق