.......فيما إذا........
فيما إذا نسألت عنك شو بقول
مابعرفك أو منغرم فيك
يابسكت ومن خاطري مخجول
ياأما بكتفي بنظرات عينيك
قالت حبيبي إنت مومعقول
ماخدت رأيي وﻻحسبتني شريكي
تصرفت من عندك إنت عاطول
ماحدى بيعمل عملتك هيكي
حسبت المسائل بالعرض والطول
ومابعرف بأيا رقم ﻻقيك
رح إعترف إني بحبك عاﻹصول
بلكي إعترافي فيه برضيك
من حيث عن قلبك أنا مسؤول
بكل القصايد رح صير غنيك
........بقلمي
الشاعر عيسى وسوف باظة
ليست هناك تعليقات:
إرسال تعليق