[ مَغنى هَوَانا ]
شو هيدا الغزل صاير دَقّا قديمي / ة/
بحروف تنكتب عالورق ما إلو قيمي / ة/
بدّي اخترع حالة غزل كرمالو جمالِك
لأنّو الرب أبدعو بقدرتو العظيمي / ة/
،،،،،،،،،،،،،،،،،
سرحت بتفاصيلِك شفت بعيون عقلي
كأنّي بروض الجنان والفردوس حَقلي
جاني وحي الإلهام جايب عَرَق لي
من خمرة اللاهوت زادتني عزيمي/ ة/
،،،،،،،،،،،،،،،،،
عرفت بالحال كيف مَغنى هَوَانا
بروض الخواطر ما يبقى سِوانا
ندمج الذَّرَّات ونخرج محتوانا
كأنِّك نبع زمزم من ... حَطيمي
،،،،،،،،،،،،،،،،
نهر العسل واللَّبن من جنِّتِك جاري
ميّ وخمر مَمزوج ينبوعو بدياري
ما يراوِدِك عن حالكي بغير اختياري
حالي غريمي بهواكي وقاتل غريمي
،،،،،،،،،،،،،،،،،
عادل سعيد / سوريا/ اللاذقية
ليست هناك تعليقات:
إرسال تعليق