بيت العز
ومريت مالقيت بهالبيت غير الدموع
صوت المطر المزاريب عم تبكي
وبقايا تنور مهدم ومكسور
حكاية كرم هالبيت عم تحكي
يا ما ضيوف اجوه وياما زوار
وتعلا ضجة الحلوين والضحكة
وصرخة الأطفال وحكايا السهار
ومايشعروا بالوقت ولا تكة
وياما بهالتنور تولعت هالنار
واكلت فطاير ومحمرة بتحكي
وياما بساحة هالدار صار افراح
وعليت زغاريد ومرسح الدبكة
شوصار يازمن تفل الفرح
وصارت حيطان هالبيت عم تبكي
وين الي كانوا بعيونهن بسمة
ولون الفقر فيها وما بتشكي
اليوم مرقت من هالحي ...تمنيت لونرجع صغار
بلكي الوقت يرجع النا الفرح بلكي ....
سناء محمدسليمان ....صورة عن بيت الضيعة باللهجة المحكية
ليست هناك تعليقات:
إرسال تعليق