بكلمتين اسمعيني
٠٠٠٠٠٠٠٠٠٠٠٠٠٠٠٠
ارجعي بالزمان وأذنك اعطيني
أنا بالوفا عهد
وأنت بتعرفيني
إن كان عندك شك هذا أنا
فاتح بوابي
ومشرّع عريني
بقلبي فتّح الورد ونهداتو سنا
لا تفردي جناحك
وأسمعيني
أنا بعمري ما ادّعيت المهارة
ربي عطاني ..
وهذا يقـيـني
أنا أبن الخيام خيام المنارة
الأفذاذ منها
وبـرفع جبيني
حُبّها بقلبي وهيي بالصدارة
عراسي تاجـهـا
ومنها حنـيـني
ناسها وأرضها أرض الحضارة
ينبوع صافي
بالمجد يرويني
أنا حبي متل الندي كلو طهارة
لا جاه ولا مال
الدني بيغريني
شمّة عطر من خدود الحيارى
من تم زنبق
شهدها بيكفيني
أنا ل حبيت السمرة بسمارة
وعيونها الخضر
بذبولها بتحكيني
الغرور حالة نقص خالي الشطارة
الشطارة تتكي ع
شمالي ويميني
قولي أنا بحبك وبصريح العبارة
ومنّي خذي القلب
وقلبك اعطيني ..
(حسين جمعة)لبنان
ليست هناك تعليقات:
إرسال تعليق