خطّة قلم
٠٠٠٠٠٠٠٠
يا قلم ليش هيك التجافي
قلبي عطاك كل القوافي
لا تأسى علييّ كتير بزعل
أنا قلبي بالحب دافي
أنتَ بالنسبة إليّ الأجمل
وخطّك متل النبع صافي
إذا جفني غِفي تأمّل
قلبي أبد ما كان غافي
خطّك جالس ما بيتحمّل
متل جدول ونبع صافي
كل ما خطّيت كلمة زجل
بنحني إلك وبقلك عوافي
وبيسكن بقلبي الخجل
وبيختصر كلّ المسافة/ي
اطلبني متل البرق بعمل
ع هيئة سبع لو كنت حافي
أنا بالحب متل الحمل
وبين الأسود ضرغام الفيافي
(حسين جمعة)لبنان
ليست هناك تعليقات:
إرسال تعليق