صدفة حلوة ..
كلمة ٍ ترسم سطوري .. بين طيات الأسئلة
في دفتري
بين لحظات الحنين .. تُدور عندي الامثلة .
مَحْدِن دري .. كيف اللقا
صدفة حلوة ..
صدفة ٍ تذكر يوم مسترسل خيالك ..
بين اسوار العنا ..
تبغي الهنا .
ضاقت الدنيا علي
تفرش مجالك
ترفل وتبقيني انا ..
بطرف السنا ... جمرة قضى
تبغي سلوى!!
صدفة حلوة
صدفة حلوة قلتها بسهدة جفونك..
هي تخونك .. ؟
اسمحلّي. مو صحيح
.. كان بانت في عيونك
تعطي كسرة
او سكونك ترمي جفوة
صدفة حلوة!!
صدفةٍ عندي احتفظها وانثر الدنيا ورود ..
في دروبك،
أجمل زهر
ونفحة انفاسك في حروفي تجود ..
مسك وعطر
مهما تاخذْك الاماني
تبقى لك في نفسي لهفة
تبقى لك في بوحي تلوة
صدفة حلوة
المنسي ..
ليست هناك تعليقات:
إرسال تعليق