دعوه من القلب .....
•••••••••••••••••••••••••••••••••••••••••••••••
انا كنت فاكر انك زي كل اللي
مروا في حياتي
مروا وعدوا
ماكنتش عارف انك حاله خاصه
انك قلب حساس
لوحدوا
ايوه مابنكرشي اني كنت معجب
معجب بيكي
مطرح مطروحي كانت عيني ديما
عيني عليكي
ماكنتش مصدق. اني ممكن احبك
وادوب فيكي
عملتي ايه فيا ايه اللي غير حالي
تايه بدور عليا
انا ايه اللي جري لي. ديما مع نفسي
حيران
حتي في همسي. ليه ديما خايف
وقلقان
لو جم يكلموني. أو حاولوا يسألوني
بيلاقوني سرحان
ساعتها بيسبوني. ويقولوا لا دا كده
تايه . تايه ولهان
غيرتي حالي شاغلتي بالي
صورتك ادامي
في نهاري ومنامي
صوتك الهامي. حاسه في وجداني
نغم حلو مالي الجو
فرح واغاني
الحب احساس جميل شوق ولهفه وحيره
وانبهار
ياما عيوني سهروني. مانيموني طول الليل
ف انتظار
احلي شئ في الكون انك تكون
بتحب
والاحلي من كده انك اكيد
تتحب
ياقلوب صافيه. يا نفوس دافيه
أملوا الدنيا
كلها حب
دعوه يارب. بقولها من قلبي
ياريت توصل
كل قلب
كلمات
م . عثمان عبد العزيز عثمان محمد
ليست هناك تعليقات:
إرسال تعليق