عالم الكيف ( 226 )
....................
أنا واقف دايخ
بطووووووووح
مش عارف أشيل
رجلي وأروح ..
واقف على باب
بيتنا متنح مش
عارف ألاقيه ..
فينك يا كالون
بيتنا ما تفتح
ما يكونش ده نايم
ومشطح ومطنيشني
يا عم ما تفتح ...
أروح له يمين
سنه بسنه
بيجيللي شمال يفلت منا
مالك مهزوز بص لحالي
مستقصدني وقافل بابي
إثبت يا كالون
إثبت .. إثبت
إثبت يا كالون
الله يسيأك
أحلف لك تاني مره
ما أجيلك ..
ده كفايه الشحط
اللي ورايا من كل
مكان ماشي معايا
تصعب على حالي
لو أخبط ..
وتقوم من نومك
متلخبط
وشك أراجوز
نصه مشفلط
بتنام للعصر ومتحنط
إفتح لأقلع لك
في الحته
وأكسر فيك حته بحته
وأتبلا عليك
وأرمي الجته
وتموت ما الهرس
جاره .. يا عم روح
دور بابك أنت غلطان
مين هنا جابك
طب قول للشحط
اللي ورايا سارح بيا
وودنه معايا
إفتح يا كالون ..
همشي وأسيبك
وأقول للناس
وأفضح عيبك
واقف تتمايل تتطوح
ومقضيها رقص
دور على جيبي
في مفتاحك
بشويش مش هجص
وأحلف لك تاني مره
ما أجيلك شبعتك قرص
أنا واقف دايخ بطوووح
مش عارف جاي ولا مروووح
راااايح راااايح
ولا أنا كده جاااااي
إفتح يا كالون ..
بقلم ..صبري رسلان
ليست هناك تعليقات:
إرسال تعليق