قالوا ياشاعر غني
وبالمغنى جود
سميعه وبدن مني
إعزف عالعود
........
كرامة عين الحبايب
بعزف ألحان
تخلي الختيار الشايب
يرجع جهﻻن
بنيشن بضرب ع الصايب
قلبا الولهان
اللي خلت قلبي دايب
بعيونا السود .
..........
قالت إنا بتسمحلي
برموشا غل
ولعيونا إعمل رحلة
وبقلبا ضل
وبتنقل متل النحلة
بين ورد وفل
وآكل شوما بستحلي
من هالعنقود
...........
نبال عيونا صابتني
مابعرف كيف
ورمسا اﻷكحل جارحني
بحدو كالسيف
لو إنا بتصارحني
لكن باحيف
الرمش اﻷكحل قوسني
بي جوز فرود
..بقلمي
الشاعر عيسى وسوف باظة
ليست هناك تعليقات:
إرسال تعليق