هاجر الشحرور
٠٠٠٠٠٠٠٠٠٠٠٠
رجعنا يا أمي نوقد التنور
نلملم قش وحطب وقشور
ونحصد شوية قمح وفريك
ونجرش عل الحجر البذو ر
خمسين سنة رجعنا يا أمي
وشاب شعر إبنك الأمّور
وتغيّر صوت الحساسين
ومن أرضنا هاجر الشحرور
بقي القنديل يرشح زيت
وعلينا يعطي شوية نور
وزهور الدار تقول يا ريت
لاحبق بقي ولا بقي منثور
وعدراجنا عشعش العلّيق
صار بيتنا متل قبو مهجور
الحمدلله يا أمي نوّابنا بخير
ومشعشعة بيوتهم بالنور
اطمّنا عندهم لحم ودجاج
وخارج القصر ريحة البخور
حماية وحرس صافي المزاج
همّ السلطة غيّر المستور
ورغيف الناس بقي وسواس
عم قولها ومن قلب مقهور
(حسين جمعة)لبنان
ليست هناك تعليقات:
إرسال تعليق