سنه جديده
سنه جايه وسنه ماشيه مروحه
وأوجاعنا لسه هي هي
والجديد مابانش حاله
إذ كان أسى أو أيام ورديه
بس البوادر برضه غامقه
والبياض باهت شويه
إيه الحكايه في عمرنا
هل خلاص مفيش هديه ؟
وكله جاي ع. الجرح دايس
بإيد خشب جامده وأسيه
ياالله بنا نرجع لبعضنا
ونحط إيد على إيد بجديه
أكيد هنقدر نشيل شويه
عن بعضنا بهمه قويه
حياتنا لسه فيها مطرح
لابتسامه بروح نديه
وكلمه أحلى من قلب حابب
نقولها لبعض مع التحيه
وتبقى البدايه بدايه حلوه
سنه جديده مع بهيه ...
أسامه عبد القادر أحمد
ليست هناك تعليقات:
إرسال تعليق