كان ياما كان
ياعصفورتي المزيني بألوان
أسمعي قلبي المشتكي الحان
تهدي متل الروح محبوسي بقفص
طيري وغردي واتركي الاحزان
لمن خيوط الشمس تعطيك دفى
واللبلبه ع الحيط
تتماوج بأغصان
طيري وحلقي لبعيد
واتركي الأسى
وصفري بصوت مملوء بحنان
خدي رسائل حب جمعي العاشقين
وريحي القلوب واعطيها الامان
وسافري باحلام مليانه غرام
اصنعي اكليل وعرش و صولجان
خلي يعود الحب لبين البشر
يرجع يدق القلب
للغالي بأمان
أعطي البشاير للدني
بيكفي هجر
وتضحك العرافه وينطق الفنجان
يغني فريد ويدندن العود
وتصيح أهوى بصوت الغاده أسمهان
ويرجع صوت الشحروره الصباح
ويذكرنا وديع بأغاني زمان
اشتقت انا ياعصفورة الحب
ليوم الصبا
ياليت ننسى نقول كان ياماكان
بسام علي عدرة .
ليست هناك تعليقات:
إرسال تعليق