كنا صغار طايرين
من الفرح
كنا متل عصافير بجناحاتنا نرفرف
نحلق عالارض كأننا بالسما
ونرجع بعد التعب
نرتمي بأحضان دافية
وايدين تغمرنا
بحب وحنان
كنا متل نسمات الهوا
نلون الكون
كل ما زقزقنا
يحلى البيت
وتفرح الساعات
تبتسم الحيطان
ويرقصوا الوردات
كنا فرحتهم
وكانو الأمان
والدفا
كانواالحب والحنان
ويا ما احلى طلة بيي
لما بضحكتوا يلاقينا
لما يلاعبنا ويحاكينا
نحس الدني طعهما حلو
تمر الساعات وما نحس
فيها
ع عطره يا ما غفيت
ولما كنت اصحى
ع دندنة نبضه اتكي
غني فرحانة بحضنه
دلوعة قلبه كنت
كانت الدنيي ما تساعني
لما بإيديه يطوقني
وبحضنه يهدهدني
كنت اغفى متل طفل صغير
مشرد عالطرقات
رجع لحضن دافي
من بعدطول غياب
كان الامان ورحل
كان الحب وضاع
كان الامل وغاب
ارجع يا بيي
احضنني اشتقت لدفاك
غنجني
دلعني اشتقتلك
سنين غبت
سنين بعدت
بس كل ما هلت سنة
ببكي ع قبرك
وبنحني
بترحم عليك وببوس تراب
الأرض الضمتك
وبتمناك يا بيي تكون حدي
احكيلك قصتي ع فراقك
وع الغصة اللازمتني
بغيابك
قلبي انجرح
ضاع الفرح
غفي الوجع
وانا ما غفيت
صغيرة كنت فكروني نسيت
غلطانين يا بيي
انت تنهيدة بالصدر
ما بتنسى
لآخر نفس
لآخر زفرة
بشهق بإسمك
وبصيح
ما تتركني يا سندي
ما تغيب يا عطري
الوفي
رح ضل
لآخر العمر
تدمع عيوني
ومن الوجع
ابكيك
سلوى دندش
الاثنين٢٨/١٢/٢٠٢٠
ليست هناك تعليقات:
إرسال تعليق