{ بَريقُ سنونَها }
بلغة عيون معشوقتي تحاكينا سَويَّا
بإشارات متل الوحي بتفهم شو بدّْي
ندهني وليف الروح جاوِبني ع قدّي
دروبك غربية معالم لوين تودّي
ردّ الصدى المعكوس رح إعمل تحدّي
يم العيون الخضر يا أحلى صبيَّا . صبيّا .
،،،،،،،،،،،،،،،،،
بسمة شفافها وفوق الرمش مَدّي / ة
يراع الهمس يكتب عالهوى يندّي
شَفَّر حروف الومى ت عندِك اتهدّي
لامس مدار الشوق ورسم ع خدّي
بريق سنونها هالكلّو .... مودّي
شفت الحكي يغندِر عيونا البابليَّا . البابليّا
،،،،،،،،،،،،،،،،،
همس الومى المشروع من جَدِّك وجَدِّي
عدد مستور من دون جذر بُدّي
لا مال ولا كعب تربيعو جذرك ومدّي
كامل الأوصاف من السَّبعا تردّي
غرامي هاج صوبك استقبلي وصدّي
قبل ما يخطف الشال نجم الثُّريَّا . الثُّريَّا
طواف حُسنِك جوازو مختوم بختم القنصُليَّا
،،،،،،،،،،،،،،،،
عادل سعيد / سوريا / اللاذقية
ليست هناك تعليقات:
إرسال تعليق