أمى..سرورى..كلمات..عــــــــــــــادل داود.
سُرى يادنيا. سُرى. بينى وبين أمى حبل سُرى ربطنى بيها طول.................... الحياه
لو يوم شكيت أو يوم بكيت تحس منى قولة........................................................ أه
وانا من غير دعاها من غير رضاها ألاقى قلبى.......................................................تاه
سرور الدنيا بسمتها.طهر وإيمان منوره بيتها.نعمة من........................................الإله
أمــــــــــــــــــــــــــــــــــــــــــــــــــــــــــى
أبعد وأغيب وملقى حبيب زيك زيك ياامه
حضنك دفايا وهناياديما محتاج منك ضمه
انتِ الشمس والضل.شجرالفل.العيله واللمه
دمك ف دمى ياشايله همى.يامدرسه وأُمه
أمـــــــــــــــــــــــــــــــــــــــــــــــــــــــــــى
أمك ثم أمك ثم أمك.. أجمل حضن يضمك
قلب فيه الدفا والوفاء قلب بيشيل... همك
منهاحنانك دمها ف شريانك دمها هو دمك
هيه دنيا فيها اخوك وابوك وابنك.....وعمك
أمــــــــــــــــــــــــــــــــــــــــــــــــــــــــــــى
أمى حبيبتى اللى شالت وعلمت........وربت
أنا اللى وقت خوفى ببقا فيها.......... متبت
انا إبنها الوليد أنا زرعها اللى كبر........ونبت
روحى هديه وعليها شويه أمى اللى. حبت
ضحت عشانى. وسندت رجلى أول مادبت
يحفظك.ربى ويرعاكى.يانسايم.حب.. هبت
كلماتى.. عـــــــــــــــــــــــادل داود....
ليست هناك تعليقات:
إرسال تعليق