امي
امي يا كل الدني
امي يا عمري الهني
يا ذهب صافي
يا عطر نفنافة
حبك يا امي
رسمته ع شفافي
خليكي حدي
ارتاحي ع خدي
كان الود ودي
تسكني محل نبضي
امي
يا شمس مضوية
يا عسل يا شهد يا نور عينيي
حبك زهر بقلبي ربيع
يا كل دقة بقلبي حسيتها
متل طفل صغير
جواتي ربيتها
ياما زرعتي ع دروبي حب وحنان
يا ما حسيت بين ايديك بالأمان
عطيتيني
الراحة والسلام
والعيشة الهنية
امي
يا نور شعشع بهالبيت
بالصدر كل الحب
الك خبيت
امي
ملكة يا تاج راسي
لو السما الك ضويت
ما بوفيكي حقك
امي
يا ام الدنيي
يا عطر من الجنة
كل ما بشمك شمة
بنسى كل همي
تنفستك لما وعيت
حضنتيني لما بكيت
وبصدرك غليت
ولما كبرت ووعيت
عرفت شو يعني امي
عرفت انك كون
حسيتك جنة
ملونة بأحلى لون
شكرت ربي ممنون
ع احلى هدية
امي انتي العيد
امي امل جديد
امي شمس مضوية
انتي احلى هدية
لقلبي وعيدية
يطول بعمرك
يا سما صافية
كل عام وانتي الحب
امي الحبيبة
كل الكللم قليل بحقك
كل عام وانتي احلى واروع
واغلى ام امي
كل عام وانتي عيد
امي الغالية
عام سعيد اتمناه لكل الامهات بالعالم
الله يحفظ الجميع ويطول بأعمارهن
ولكل ام بالكروب بقلها
كل عام وانت العيد والفرحة والسعادة
سلوى دندش
ليست هناك تعليقات:
إرسال تعليق