قصيد شروقي
...................ياريم يلي شرد............
ياريم يلي شرد وتايه بهالوديان
ماقدرت شوفك أنا وقتي مهو كافي
قلي قدفني الهوى عا شواطئ النسيان
وبعدي موطن انا وع ديارهن ﻻفي
ياريت لو طالعت برسالة الغفران
جبران فيها الكتب حضن الولف دافي
ردت عليي ياولف شوخصني بجبران
مادام إنو الشهد نبعو من شفافي
تمنيت قلب اﻹلي طير وإلو جنحان
ييسرق منك نظر من عباب صفصافي
أو بلبل يجيد الطرب ويغرد اﻷلحان
يشدك حنين الغني من أبعد مسافي
ونلتقي وجه بوجه وتحوشني اﻷحضان
وإبقى عطول العمر ع زنودها غافي
....بقلمي
الشاعر عيسى وسوف باظة
ليست هناك تعليقات:
إرسال تعليق