شو علقك بالهوى تا صرت بالخمسين
وبعدك اسير الحلا بتدق ع بوابو
وبعدك بتتغزل وبتحن للحلوين
قبلك عزاب قيس بالحب شو نابو
وبتعيش يا قلب ع الذكرى ومتلك مين
بيوهب حبيبو حياتو ونبض اعصابو
وشو ما بيطلب حبيبك يؤمر وٱمين
والحب هيكي معوّد كل طلابو
روحك وقلبك بذات الحسن مغرومين
وياما محبين متلك بالحسن دابو
قالو صحيح الهوى غلاب الله يعين
قلبك يا بو فايز ال بعدو طفل ولهان
بيصون عهد الهوى وبيكتب القصدان
وبيحن عنو حباب الروح لو غابو
ليست هناك تعليقات:
إرسال تعليق