فراق وحنين.....شعر غنائي.
وين رحنا وين راح هاك الزمان
إنساني يازمن عطراف ضيعتنا
عدرب العين تحت ظل تينتنا
شباب وصبايا وجرار ميتنا
ضعنا وضاع العمر في كهف الحياة
وراحوا الحبايب والقرايب والشباب
ونسينا العين ويمكن العين نسيتنا
إنساني يازمن جنب هاك الدير
واتركني ارتل صلاة الحب لذاك الطير
يا طير يا طاير على جنح الضباب
بلغ سلامي للحبايب والغياب
وقبل ما نار الشوق تشعل بالقلوب
ارجع لعندي حاملا منهم جواب
بلكي بيرجعوا بعد طول غياب
وبترجع معن ايام الهنا والشباب
وتنطفي نار الحنين والشوق للغياب
وبيرجع هالكهل يغني عتابامع الأحباب
جرجس لفلوف سورية
ليست هناك تعليقات:
إرسال تعليق