.. محكيّة..
.. خمرة الحب..
لمّا بتغيبي من بعدك مافي فجر.
سبحان الله اللي واهبك هالسحر.
كلما بتشرقي ع شبابيك روحي
بعرف إنّك مرّة شمس ومرّة بدر.
الليل حالك على كتافك سارح
يمكن شلاّل حرير ويمكن شَعر.
أمواج بعيونك تحكي حكايات
يا ريتني قبطان مسافر بهالبحر.
وعنّاب مزيّن أنامل من ماس
بيرسم أمل للغوى بيطفي الجمر.
صبّي من شهد لماكِ بشي كاس
يمكن مفتي العشق بيحلل الخمر.
إذا الله ما وهبني هيك إحساس
ما في رجا بينّطر من باقي العمر.
.. محمد عزو حرفوش..
ليست هناك تعليقات:
إرسال تعليق