فكرني بيه
========
هو الصباح احلو ليه
لما قابلت انا نور عينيه
وجاي يقولي عاملة ايه
والله حبيبتي وحشتيني
طب بس ارد و اقوله ايه
هو حبيبي وروحي فيه
البعد ده ما اقدر عليه
راح أقوله ايوة وحشتني
انا قلبي داب انا بين ايديه
لما جريت اسلم عليه
وكل حاجة بتقولها ليه
خاليك معايا وضمني
قالي حبيبتي ساكتة ليه
فوقني من الحلم اللي فيه
رجع الزمان فكرني بيه
وخطف لي قلبي وشدني
انا قولت ابدا ولا ايه
الحمد لله والشكر ليه
انت اللي عامل بس ايه
قالي بعادك هزني
ساعتها حن انا قلبي ليه
وقفت مش عارفة اعمل ايه
امشي واسيبه وافوت عينيه
ولا اقوله ليه سيبتني
مشيت ولا رديت عليه
لقيته رجعني تاني ليه
اتاري نسيت ايدي في ايديه
باسها وقالي سمحيني
نسيت ساعتها بعدنا ليه
من كلمة واحدة قالها لي
بصيت وقولت هقولك ايه
قرب عليا وضمني
2020 /15/9
:
#ماجدة_البهيدي
:
ليست هناك تعليقات:
إرسال تعليق