..محكيّة..
بسمة الجمر..
يا ابني غيابَك نشّف الدمعات
ونبضات القلب صارت كليله/ي
ما عادت تحضنك ها الديّات
بعدك يا بنيّي الروح عليله/ي
بساهر طيفك لَ تغفى النجمات
احكيلن عن أيامنا الجميلة/ي
عن زقزقة صوتك الصبحيات
بخاطرك يا حنونه ادعيلي
تلبكتْ على شفافي الكلمات
بلكي أخّر روحتك بشي وسيله/ي
حسيت إنّها آخر الطلعات
غصيت يا بنيي وقلبي دليلي
كم يوم وسمعت بالبيت أصوات
ناس مجمّعة ومشاعر نبيله/ي
نعش مغطّى بالعَلم عَ الراحات
وصورتك ع الصدر عنك بديله/ي
زغردت وصرخت ابني ما مات
ابني مسافر سفرة طويله/ي
اشتاقتلو بساتين هالجنّات
بعطرها ونسماتها العليله/ي
ع أبوابها تخفق الرايات
كْرامة روح الشهيد الجليله/ي
بقلبي بْ تبقى لآخر النبضات
الله معك يابني دخيلك ادعيلي.
.. محمد عزو حرفوش..
ليست هناك تعليقات:
إرسال تعليق