محكيّة غنائيّة..
أي نعم..
اسمعوا مني كم كلمي
وبلا تلميح.
كم واحد عامل زلمي
مْ بلّش تشبيح
رح احكي حسب علمي
رح كون صريح
انشالله يساعدني قلمي
ويكتب مليح.
يوصف هالزمن العاطل
زمن التحشيش.
السبعة وذمتها عملتوا
شو باقي بعد؟
كلّ اللي استحوا ماتوا
بقيان الوغد.
سرقتوا الحلم وبسماتو
حنثتوا بالعهد.
نْسيتوا الرب وكلماتو
قولولنا ليش؟
خْلقتوا الفتنة بْ بلادي
شعّلتوا الحرب.
قْتلتوا أولاد العبادِ
ما إلهم ذنب.
سْرقتوا أكلات ولادي
عترتوا الشعب.
قصرتْ كلّ الأيادي
كيف بدنا نعيش؟
يا عالم شقدّك ظالم
حاجي ترويع.
كترت فيك المظالم
حد التجويع.
بكرا والله العالم
بيجي الربيع.
الطير لْ بيضلّوا سالم
بينبتلو ريش.
.. محمد عزو حرفوش..
ليست هناك تعليقات:
إرسال تعليق