نجوم وقمر
٠٠٠٠٠٠٠٠٠٠
متل الحبق عطّرك
وأخضر ..
متل الندي
ع وراق الشجر
متل غيم أبيض
ناطر
حبات المطر *
متل عصفور ترغل
وغنّى
وخايف يخونو القدر
وطول العمر كان يتمنّى ..!
قال لو
كان القدر عنّا
بتضلك رفيقي ورفيق العمر
أنا بنهداتك أكيدة/ي
وبحبي بعرف عنيدة/ي
وبلاك ما بتحلى القصيدة
وبحروفها أنت الوحيدة/ي
وبغيابك ما بيحلى السهر
جوري الحوض اشتاق
للسهرات
وزرار الورد فتّح و زهَّر
ونجومنا تحكي حكايات
والقمر منّا
يغازل قمر
والشمس تشرق مع النايات
والصدى يرجع
مع النسمات
وقلبي يدندن عل الوتر
والآه تعانق الآهات
وموال الغزل من تمّك بيسكر
ومن بين الورد
تلمع الشامات عا خَدَّك
والخال مرمر
ون كان قلبي بيسرق
النهدات
قلبك سرق قلبي
بالمفيد المختصر ،،،،،
(حسين جمعة)لبنان
ليست هناك تعليقات:
إرسال تعليق