محكيّة زجليّة..
ضلّك ميلي..
ميلي بخصرك ميلي يا ست بدور
ليل نهار مقابيلي كوني محجور
قرّب صوبك ما فيني هادا محظور
ساوي أكل وجيبيلي زيدي البهار.
....
ميلي بخصرك ميلي وشدّي الزنار
ضلي حدّي غنيلي وبلا الأخبار
كلّ مَ نزلت بتكويني نار الأسعار
برجع ع البيت وبدعي على التجّار.
...
ميلي بخصرك ميلي تَ الكل يميل
كلّ مصيبة بتجيني حفر وتنزيل
بيضلّو عالي جبيني الله الوكيل
قادر يمحي هالعتمة ويصير نهار.
.. محمد عزو حرفوش..
ليست هناك تعليقات:
إرسال تعليق