صورة تراثية
بتتذكري ايام كنت احبي حبي
ما كان عنا غير عقد ومصطبي
باب العقد كان فيه شجرة توت
ومشمشي ع لوز مر مركبي
كان فيه عنا خم للجاجات
عنا حمام وكان عنا ارنبي
كنا الجميع انام تحت لحاف
ام وابو والبنت في جنب الصبي
الاب يسرح ع كروم التين
يرجع بسلة عنب وتين مشطبي
والام تروح تعشب الزرعات
تعمل حبون كومة كبيرة معبعبي
بالصيف كنا ننام ع السطوح
نوم السطح نومة هنية مرتبي
بالليل تتجمع رجال الحي
حطو العقال من فوق حطة مشرشبي
ليست هناك تعليقات:
إرسال تعليق