درويش عاشق 🎶
بقلم/ سعيد عرفه
➿➿➿➿➿➿
ملاح فى بحر النغم
سارح فى ملك الله
قالب نهاري ليل
وبأغني يا ليلااااه
ببحث مع العشاق
والحب يعني حياة
يوماتي أسأل عنه
وجوابه مني تاه
واحد من المحاريم
عاشق وقلبه دليل
هايم فى الملكوت
ما أرضى عنه بديل
جارح فؤادي ببعده
وقلبى لقلبه يميل
دايماً أقرب منه
كخليل يناجي خليل
درويش من البهاليل
رزقه على مولاه
فى الحب رزقي قليل
بنادي يا ويلااااه
قدره قلب عليل
وحبيبه كل مناه
نظرة بعين الرضا
تملئ حياته صلاة
تايه يا ناس وناسي
أكون طويل البال
أصبر ولا أشتكي
حالي ده غير الحال
أنا اللي قلبي خالي
ببعدك أصبح هَال
يطلب من رب السما
ف قربك يصبح عال
ليست هناك تعليقات:
إرسال تعليق