قصيدة بعنوان
**غـــــــربه **
ماشى انا فى غربتى
والغربه مالها حد
شارد أسير وحدتى
قلبى مايعرف كد
مكتوب لى انا قسمتى
اعشق جميل القد
مكتوب لى اقول غنوتى
عاشق وماله يد
***
يااللى ملكتى الحواس
يااللى شغلتينى
أنا طفت لجلك بلاد
ومنايا توافينى
من يوم عشقت العيون
وانتى ضيا عينى
مكتوب لى اعشق وادوب
مكتوب على جبينى
***
ماشى انا فى دنيتى
انادى على المكتوب
واسأل نجوم السما
حدش رأى المحبوب
يااللى سبب غربتى
قلبى خلاص هيدوب
واللى ابتلى بالهوى
عمره ماكان مغلوب
وعجبي
بقلم / أحمد سلاطين
ليست هناك تعليقات:
إرسال تعليق