،،،،،، عريس الزين…
جينا على السطحيات نجمع دردار وسلبين
وكل الصبايا الحلوات عند الصبح منتشرين
قرّبت صوبن خطوات لفّوا حولي مجتمعين
قالولي هويتك هات بدنا نعرف انت منين
قلت انتبهو يانجمات رح تعرفوا أنا مين
والله مابخاف البنات لوسحبو عليي مرتين
عاموتوري في نمرات مكتوب عليها طرطوس
وجايي لعند الزينات بدّي نقيلي عروس
وعم سابق السيارات وبعين الخالق محروس
جايي اقطف الوردات لاتفكروني جاسوس
شو بتقولوا يابنات رح نجيكن خطّابين
عرفناك ويرحم ابوك انت بتكتب عالفيسبوك
يرحم بطن اللي جابوك وعا ديرتنا بعتوك
كل الصبايا حبوك انت صياد الحلوين
من النهر جايي ياروح مين اللي معي بتروح
منبرم بالدنيا ومنسوح وبضلّي لقلبي معين
ياحلوة اللي بعيدة شوي هاتي منك شربة مي
يازينة بنات الحي نقّيتك يانور العين
ويا صبايا هنّوني انتو قلبي وعيوني
وهل عروس المزيونة تتهنّى بعريس الزين
7 /1/2021 (احمدشرباابوفراس)
ليست هناك تعليقات:
إرسال تعليق