جار الزمن
٠٠٠٠٠٠٠٠٠
قلبي سكت وتغيرت دقاتو
وصار الصمت يحكي حكايتو
قالوا الطمع طمع بالدين
وكل واحد بتحكي عنّو صفاتو
الزمن جار بحق المخلصين
يا مين يسمع الصوت وآهاتو
كنّا نسمع بحبل الوتين
الحبل انقطع وتغيرت لفاتو
حتى الورد صار محتاج الحنين
ويذرف دمع فوق وجناتو
عذروني ما عارف أشكي لمين
غصّة بالقلب ساكنه جواتو
وين نفحات وعبير الياسمين
لكانت تعطّر قعدتنا بفياتو
صرنا نتمنى نرحل وراضيين
ونحسد لفارقوا الدنيا وماتو
(حسين جمعة)
ليست هناك تعليقات:
إرسال تعليق