الدلعونا من الفلكلور الشعبي لمناطق شرقي البحر الأبيض المتوسط غناها العديد من المطربين والفنانين كتبت فيها هذه المقاطع أتمنى أن تنال إعجابكم
على دلعونا و على دلعونا
علي بغيابك صاير مجنونا
٠ ٠ ٠ ٠ ٠ ٠
صارلي من جمعه عيني سهراني
ضيعت الغالي غاب وما جاني
صارت ع غيابو روحي تلفاني
سكران ودايخ زي المجنونا
٠ ٠ ٠ ٠ ٠ ٠
راقبتك يوم ويومين وجمعه
ضوك ما نور طفيتي الشمعه
مرضان وقلبي اللمعه باللمعه
عزال الضيعه كلن فضحونا
٠ ٠ ٠ ٠ ٠ ٠
ناطر هالسمرا لتمر قبالي
ناطر متحمل سود الليالي
عمرا ما تغادر لحظه من بالي
قلبي مشتقلا وروحي مرهونا
٠ ٠ ٠ ٠ ٠ ٠
انطرتك ياحلوه والجو معكر
ليطل عليي وشك المنور
طلعولي الشرطة وشوية عسكر
شمع يا شاطر دغري من هونا
٠ ٠ ٠ ٠ ٠ ٠
لاقتني مبارح وابوها نايم
والجو معكر والطقس غايم
مفتون بحبا والقلب هايم
عقلي ضيعتو كرما الدلعونا
٠ ٠ ٠ ٠ ٠ ٠
نامت ع زندي الليله الماضيه
أنا مجنون ومجنوني هيي
كرمال الخالق نادوا الصحيه
وع أقرب مشفى دغري ودونا
٠ ٠ ٠ ٠ ٠ ٠
على دلعونا يا أسمر ليش خايف
العالم عشقاني لك ربك شايف
بيك بو مرعي وعمك بو نايف
ع دروب الهوى هنن دلونا
علي أمين ديب
ليست هناك تعليقات:
إرسال تعليق