ملعون الهوى
٠٠٠٠٠٠٠٠٠٠٠٠
يا وردة دارنا لا تسأليني
أنا بعرفك وأنت بتعرفيني
متل ما أنا بالشِّدة حملتك
واجب عليك بالشِّدة تحمليني
سرقت القلب وكان حلمك
انعيش بهنا ولبعيد تاخذيني
وقلتي القلب رح سلّمك
وبقصيدة شعرك تكتبيني
ومن عبير الورد أنا شمّك
وتسرحي على نغمة حنيني
ماشي معك عا ريف كحلك
وأنا ضمك وبحنانك تضميني
وكان القدر أنا شيل همّك
وعلى فراقك أنت قتلتيني
(حسين جمعة)
ليست هناك تعليقات:
إرسال تعليق