ذاب القمر
ـــــــــــــــــ
يا حلو مش هيك بيكون الخطاب
أنت عارف أنّو الـقـلب فـيـك ذاب
بعدك بالهوى طاير وفارد جناحك
وما عرفت شو صاير بقلبي عذاب
واحد قال ليش السما تغّير لونـها
والتاني قال ليش ما عندك جواب
أنا للرد كان عندي كتاب .. قـلـت
القـمر زعلان منشان هـيـك غـاب
وتهامسوا وتغامزو علييّ الصّحاب
قالو طفل حَبّ ومن كثرالحُب شاب
قـلـت الشـيـب أبد ما كان عـيـب
العـيب ل ماعندو خلاّن وحـبـاب
وكان المـدى ماشـي عَل الـهَـدى
والشمس تغرب ولاففها الضباب
وعـخـدودها بان الخـجل وكحـل
عـيـونها شرشر وع النـدي ذاب
قـالـت أنـا وحـدي وانت شـايف
كل الـنـاس مـن حـولـي ذيــاب
وقـفت وسألت حـالـي أنا هـيـك
غلطان والله فيها .. بكسب ثـواب
(حسين جمعة)لبنان
ليست هناك تعليقات:
إرسال تعليق