( هونيك ناطرتك ) بقلم الشاعرة وهيبة ملحم

هونيك مدري وين ناطرتك

شتلة حبق شفتك

وبلهفة هزيتك

تاشمشم عطورك

وقلك اشتقتلك

.....

هونيك مدري وين

سميتك سنديانة

يمكن بروحي بنية غويانة

وشو مشتهية تكون هويانة

بتتمنى تسمع كلمة حنية

تاخدها فيها لكون تاني

.....

هونيك مدري وين

عالشط يمكن عالبحر

شفت بعنيك مواج

عم تركض وتهدر هدر

متسرسبة تخمين من وج القمر

واقف يصور من ورا السياج

وقفنا سوا وسرحت بعيونك عمر

وغفيت بالببو نظر

مابدي فيق وأتركك مهتاج

بدي بلمسة حلا ازرع الورد دراج

🌷🌷🌷🌷♥♥♥