ذكرتها)
............
ذكرتها/ وقلتلها بتتذكري
أيام كنا صغار بعمر الولدني
أيام كنا نطلع ونلعب سوى
أنتي وأنا وماتساعنا كل الدني
بتتذكري القعدات بكروم العنب
ماكان عنا هموم ولانعرف تعب
بتتذكري السهرات ببيوت القصب
وفيها السهر شو كان يحلالي ألي
بعدك ياحلوة بتذكري هاك الحجر
قديش كان عليه بيطيب السهر
وسهراتنا كل يوم عاضو القمر
وقديش أنتي كتير غنيتي ألي
قالت ألي فيقتني وماكان بدي فيق
من حلم عمرو عمر يارفيق الطريق
خيي وصديقي أنت ورفيق الطريق
ياريت لو خليتني بحلمي الهني
ليست هناك تعليقات:
إرسال تعليق