يوم السفر
سافر وراح اليوم عالغربة
وعلى فراقو رح جن ياربي
حبو لقلبي بلسم الآلام
وبغيابوا مابتنفع الف حبه
وقف وقال بخاطرك يمي
غصة بالقلب زادت بهمي
صارت الدنيا ليل وبعتمة
ودمع هالعينين متخبي
وقفت بغرفتو ودموع عخدي
وفجأة بأيديي ضميت المخدي
شميت ريحة عطر تسوا ألف وردة
دخلك ياربي تدوم المحبه
مهما حكيت ياناس مابنلام
هوي العمر وفرحة الأيام
ومهما كتبت ع الورق بالأقلام
بوصفو أنا مارح كون متنبي
بقلمي رابية الأحمد
ليست هناك تعليقات:
إرسال تعليق