سهران عم دوزن على عودي
وصورتك بالفكر موجودي
وكلما سهي قلبي مع التحنان
بالحلم عم شوفك على زنودي
سهران وبنفسي أمل تعبان
من كتر مابقلك نحل عودي
لا الخمر ساعدني على النسيان
ولا الدمع ريحني من وجودي
إن كنو الأسى هبك على النسيان
شيلي الأسى من صدرك وعودي
خايف عند ماتقصد البستان
تلاقي زرار الورد مفرودي
ويتفرفط حبوبك من الحرمان
عنقود عمرك متل عنقودي
هيدا حكاية عاشقة وعشقان.
ع حساب،ليلى وقيس مرصودي
رايح ع قبر الطهر والتحنان
فتش،عليكي وموت موتت قيس
إن كنتي،بقلب القبر موجودي
ليست هناك تعليقات:
إرسال تعليق