منك ناطر جواب
٠٠٠٠٠٠٠٠٠٠٠٠٠٠
الدنيا كلا سكرانه وأنا سكران
لا تقوليلي تعبانه وأنا تعبان
السهره بعدا بأولها وأنا عطشان
صبي واسقيني يالله من نفس الكاس
عطر خدودك صحاني من عز النوم
ولون الحُمرا بشفافك نسّاني الصوم
بيطلعلي ضمك ضمي وما علييي لوم
صفي النيّه ومن راسك شيلي الوسواس
قالوا عنك مجنوني وأنا مجنون
قلبي بي قلبك ساكن وين بدّو يكون
ردي علييّ وقوليلي أنت بتمون
بشيلك والله بعيوني وحطّك عا الراس
بدي من تمك إسمع موال
يشجيلي مره قلبي ويهدّي البال
وننصب مرجوحة النا تحت العرزال
نعيش العمر ونتهنّا يا أغلى الناس
قالت لمّا بتنهدلي آنا بلبيك
من طلوع الفجر وحتى لصياح الديك
بدعي من عمري كلّو الله يعطيك
يا ضي عيوني أنت وكل الحواس
(حسين جمعة)
ليست هناك تعليقات:
إرسال تعليق