محاوره زجليه….. الموضوع( بنت الريف )(وبنت المدينه )
نتمنا ان ينال اعجابكم
الشاعر عبدالله الحلبوني مع الشاعر علي عبد النبي
قصيده… علي
مسا الخيرات ياوجوه البهية
ياأحلا من الورود بمزهرية
مسا الخيرات ياملوك القوافي
وياملوك الشعر والشاعرية
مسا الخيرات ياأهل الثقافة
وياأهل الحب والروح النقية
مسا الخيرات ياطبع اللطافي
اذا الأشعار مابتكفي ضيافة
لكم هل قلب رح قدم هدية
قصيدة… .. عبدالله
مسا الخيرات يانبع المشاعر
سبقني وقالها بالحب شاعر
صديق العمر أداها وغرد
قوافي ذوق للناس الأكابر
ياأهل الزوق الكم طبع اجود
من كل اللي سمعو شعر عابر
بمحراب الشعر عمرت معبد
معكم فيه بنصلي جماعة
وت تكبر فيكم عيون المنابر
قصيدة… علي
وهلأ ياوجوه الخير بدي
بعد اخلاص قلبي وكل ودي
على محك الشعر حك المواهب
وافحص كل كلمة بكل ردي
وأبو همام جهزلو المراكب
ببحر الفن حتى يكون حدي
ضروري علمو زرع المساكب
قوافي مرتبة وكلمة ندية
لحتى يكون جاهز للتحدي
قصيدة… . عبدالله
سم الله عليك شو عندك فصاحة
يابو فايز وعم تحكي بصراحة
معماري حجر بعرف مجالك
شو جابك صرت دكتور الجراحة
يارفيق العمر كبرت حالك
وبعد هالعمر صر بدك رياحة
نتصح مني وحافظ ع جمالك
وحتى تكون من قد التحدي
مابدي عليك نختمها مناحة
معنى… ..علي
مش مشكلة تعمل مناحة بحيلها
سهرة فرح تايقنعك تأويلها
انت وأنا للناس تا نوحيلها
بلفظ المعاني وحسنها وتجليلها
رح خيرك ونغرد مواويلها
وخلي القوافي عين تعشق ميلها
بنت المدينه الحايزة عرس الجمال
ولا بنت الريف الحلا اكليلها
..عبدالله..
مادام صدرك واسع وقلبك كبير
وبتخير العالم ياحضرة شكسبير
المرأة يابو فايز قبل منك جرير
وقيس وابن زيدون غنوها كتير
مش هم موطنها وموقعها الأخير
لكن بقلبي بنت ريفية وسوى
منحكي حكاية حبنا ع ضفاف الغدير
علي….
مسكّن بقلبك بنت ياعقل القديم ؟
بتحكيلك حكايات سقراط الحكيم؟
بنت المدينه يازكي نعم النديم
رقة ونعومية الحلا فيها مقيم
مش متل بنت الريف لو سمعت نغم
ماميزت فيروز عن عبدالحليم
عبدالله… .
ياريف يابرد الطبيعة وحرها
المتلك بيجهل خيرها من شرها
تأمل بنت الريف مابضرها
النسمة كحل بالعين فيها تجرها
بتحكي بنظرة عين ويترمي قلوب
ولّ متل فضلك مابيعرف سرها
علي…
تهنى بريفك وترك الباقي إلي
يعني المدينه القدرها عندي علي
بنت المدينه بالجمال مكلله
وبكل موقع بالحياة مرسمله
علم وثقافة وفن والوعي الكبير
وهيدي خصايل بنت بحبها علي
عبدالله….
بوفايز تأمل بأفكارك وشوف
بين المدينه وريفها عليّ السقوف
بنت المدينه بلطفها اجمل قطوف
عفة وزكاء وعاطفة وقلبها العطوف
بس مابتقدر متل بنت بضيعتي
بترضا بساطه العيش مع كل الظروف
علي…….
بنت المدينه بطبعها وعاداتها
جنه بأسرتها وبين اخواتها
وبالريف بنت الريف وحكاياتها
حتى قطار العمر متلك فاتها
بتضلها متخبيي بخلف البواب
وغير الخلقها ماسمع آهاتها
قرادي تحدي..
عبدالله… .
مابدنا نحكي زيادي
ولابدي غير عادي
رح غني وعلي بكون
قبالي بين الردادي
ياعلي ندقيت الباب
ان كنك ناوي تحاكيني
خلينا اخوة واصحاب
بتخصر لو بتعاديني
بزعل حالي ياحباب
ومابزعل شب طحيني
بيتغاوه بفرد الإرهاب
وماشي بين الصيادي
علي….
عبدالله اسمك منظوم
لاكن شعرك ع قدو
جايي بحر الشعر تعوم
ولّسد العالي تهدو
من قبالي احسنلك قوم
بوفايز منك ندو
اللي بدو يقعد بين نجوم
بياخد من إيدي شهادي
عبدالله….
ياجاري الله عاطيك
مواهب لكن ع قدك
جمهورك متحير فيك
ومنو عارف شو بدك
عم تحلم الله يهديك
والجمهور البودك
حتى بشكلك يفرح فيك
لبسلك شي طقم رمادي
علي…
هالحفلة المليانه زهور
منقاية زهره وزهره
الإحساس المتل البلور
وجايين يحلو السهره
ماصرلن يستنو شهور
حتى يشوفو هل نمره
تاتصير معلم مشهور
دخللك دوره بشي نادي
عبدالله….
جايي تغنيلي وتعيد
وعامل ع العالم قاضي
مافي عندك فن جديد
متل الشرطان الفاضي
عن درب المعنا لا تحيد
ان كنت بعقلاتك راضي
رح جبلك بسطة وبالعيد
تبيع وع البسطه تنادي
علي…
مابلوم البحب يصير
يغني الشعر ويتغنا
ومش عيبه لو كنو صغير
وبالنجمات بيتكنا
بس لمتلك خبزو فطير
مابيمشي سوقو عنا
بفصلّو ع حسابي سرير
وبعتبرو متل ولادي
....... الى اللقاء في لقاء اخر بعون الله....
ليست هناك تعليقات:
إرسال تعليق