شفتك ع النبعة جايي
والوقت غياب
آية حسن مسماية
ولبست جلباب
شفتك جاية وعم تمشي
والدنيا برود
سلمت عليكي برمشي
فهمتي المقصود
جمعت من دموعي كمشة
اسقي العنقود
وحاكيتك كلمة نغشة
ماسمعت جواب
راحت عالنبع تعبي،
والنبع بعيد
بعيد النبع ويادلي
المسافة تزيد
تزيد ويرقص عالقبة
جوز عناقيد
عناقيد الصدر بتنسي
العقل المنصاب
خطوتها نقلة نقلة
ولبست خلخال
عالأرض بتعمل شعلة
ونغمة وموال
قالتلي شوف بيلبقلي
ع كتافي الشال
الشال ال طيرلي عقلي
وخلانا صحاب
نادتلي بصوت الكنة
وقالت ياعم
قلتلا روقي وكنيّ
لاتزيدي الهم
حطي ع كفوفك حنة
ليحن الدم
وإسوارة هدية مني
وبكرة الكتاب
من أيا كوكب جيتي
ومن أيا شمس
جبتي نورك وحليتي
بيومك والأمس
قلتيلي لما حكيتي
ممنوع اللمس
شلتي شالك ونسيتي
زرار الجلباب
ليست هناك تعليقات:
إرسال تعليق