أنا والقمر
...............
شفت القمر عاسطيحتك سهران
سهران وحدو وكان ألو مدة/ي
قاعد لحالو وكان صرلو زمان
وعينو ع باب البيت تاتعدي
ومتلو أنا عاسطيحة الجيران
قاعد بأيدي الكاس والعدة/ي
ناطر تاترجع ياحلم هربان
هربان مني وسيهرك حدي
وماكان يلي صار بالحسبان
وباللي جرى ماكان بي يدي
لما اللي شفتك ياقمر نيسان
نازل ع بيتا وحامل مخدة/ي
حسيت حالي فتت بالحيطان
ونسيت وقتا شو بقى بدي
ليست هناك تعليقات:
إرسال تعليق