ابدأ بنفسك
اوعي تفكر تبقي في مره حد تاني
اوعي تبقي في لحظة طيش إنسان اناني
بلاش تقلد اللي باع ضميره تاني
نقي نفسك نقي ذاتك كون مثالي
ابدأ بنفسك خلي لحياتك شكل تاني
ده اللي ضل طريقه تاه وزمانه فاني
حس بغيرك خلي فكرك ذوق وعالي
ده المشوار طريق مرسوم شايفه قبالي
والمقسوم سجاد مفروش بالأماني
أعمل اللي يرضيه ضميرك
وطنك ده غالي
بلاش نكرر الغلط خلونه نحطم الزلط
ونلغي من قاموس حياتنا
طب وانا مالي
سيب إرادتك تحرسك من الديابه
سيستم حياتك غيره خليه إجابي
ليه نخلي حياتنا غابه
ليه نكون فيها الديابه
حول نفس من التنمر للطيابه
خلي الدعوه تكون لربك مستجابه
يالله نبدأ صفحه بيضه
انقي من لون السحابه
ده الكون منظمه الإله لجل السلام
ليعود علينا بالسلام مش بالخيابه
بقلم/ عادل عبد المعز محمود ماضي
جمهورية مصر العربية
ليست هناك تعليقات:
إرسال تعليق