الإخلاص.كلماتى.عـــــــــادل داود.
إخلاص.خلص وحب ونقص.بنى آدم رخص إيه تانى
كذب.زاد نفاق.ساد.بقينا ف حداد على ضياع المعانى
أه ياقلبى. وأه ياغُلبى وأه يامشاعرى اللى وجعانى
دنيامفيش غيرها حيرنا تفسيرها توهتنى ف أحزانى.
أضحكلها تبكينى.أقربلها تبعدنى.ديما معاندانى
إخلاص. ـــــــــــــــــــــــــــــــــــــــــــــــــــــــ
بشوف الهم فى عيون ناس ماليها إحساس بالحزن
من ناس متعتهم.الظلم والخيانه.والنداله والجُبن
كل واحد ف مواله يبكى ع حاله.ودنيا بالفرح تضن
مش عارفين على فين رايحين.من خلاف وسوءظن.
إخلاص.ــــــــــــــــــــــــــــــــــــــــــــــــــــــــ
لا عارف ليه بنقسى.على بعضينا ومتفرقين
والرب واحد والأب واحد.ومكرمنا.رب العالمين
بينا كبر وغرور.بفكر مكسور رغم خلقنا. من طين
إحنا عليها. ضيوف.عمرنا شوية أيام وسنين..
إخلاص. ـــــــــــــــــــــــــــــــــــــــــــــــــــــــ
دنيا مش باقيه لحد.ليه مابينا شقاق. حاجز.وسد
فين الحنيه.والكلمة الحلوه.والبسمه ولغة الورد
مش قادرين نفرق بين.طيب.وشرير.وهزل.وجد.
يارب حنن قلوب العباد على العباد.بالحنين والود.
ونشوف دنيا إخلاص. وعطف.ونبنى بدل.ما.نهد
كلماتى...عــــــــــــــــــــادل.داود.....
ليست هناك تعليقات:
إرسال تعليق