شو حلو الكرز
٠٠٠٠٠٠٠٠٠٠٠٠
حلوين ع شالك حبات الكرز
تسلم أيادي الغزل ولّي درز
ما عرفنا مين لابس الفستان
مقطّع عجسمك كيف انفرز
متل القالب تفصّل بميزان
وكل قطعة من جمالك برز
قلبي صار يغلي متل بركان
ولساني جمد بالوصف كرّز
يا حلوة دخلك منين الامان
إذا دقات قلبك بقلبي نغرز
اعطي إشارة تَ يعرف الفنان
يفكّ الطلاسم ما يفك الخرز
حرام تتركي هل القلب حيران
والعين ما فيها تقاوم المخرز
(حسين جمعة)لبنان
ليست هناك تعليقات:
إرسال تعليق